87撕裂

谍．．．但系依啲已经系200年前嘅事．．．」

    「．．．我点知你宜家系咪仲系帮紧政府？」阿宝质问

    「如果我系帮政府，就唔会同你地一齐保护金钟啦！」流主自辩说

    阿宝反驳：「当时你都仲未重组记忆，所以你唔知自己系间谍．．．宜家谂返，你一有返记忆，搵到伊甸园创造器，MR就出现将佢抢走．．．有无咁啱呀？」

    孖根cHa话说：「阿宝，你唔好唔记得流主都有份剿灭MR。」

    「系呀，但系个伊甸园创造器已经喺残党手上呢！」阿宝瞪着流主说：「可能你根本就系去杀人灭口，毁灭证据！」

    锁匙萱也搭话说：「咁宝宝你自己呢？你将我地啲战斗数据同基因b晒正势力，但系无话b我地知．．．你究竟要依啲嘢嚟做咩？？系咪有一日要用依啲资料嚟对付我地？？」

    阿宝愣了一下：「．．．啲资料只系备份，仲会用嚟做咩？？我地点会对付你地呀！」

    孖根说：「正势力一个咁大规模嘅武装组织，你唔系想话佢地拎埋咁多数据只系要嚟储挂？」

    「唔．．．」阿宝咬牙切齿：「咁你呢？？你明知有隐形人喺欣澳出现又唔讲，我地差啲就Si晒喺发哥手上啦！！啊．．．定系你一早知道佢就系凶手，你其实同佢有啲咩关系，所以就呃埋我地呀！」

    孖根大感受到冒犯，而且回想起伤心的事，顿火冒三丈：「系我亲手杀Si佢架！！！」